Om oss

Patentstyret har sidan 1911 hjelpt næringslivet med å ta vare på verdiar gjennom å tildela patent, varemerke- og designrettar.​

Vi gjer idear til verdiar og vernar innovasjonar som blir tradisjonar.​​

Vi er ein medspelar og legg til rette for god forvaltning av immaterielle verdiar, som vil bidra til å sikra investeringar, forbetra lønnsomheiten, tryggja arbeidsplassar og auka verdiskapinga for verksemder i Noreg.​

Vi skal vere ein aktiv medspelar for forsking, innovasjonsmiljø og næringsliv – i tillegg til rolla vår som myndigheitsorgan.

Visjonen vår er "Gjer idear til verdiar". Den har dobbel tydning: Vi oppfordrer næringslivet til å omsetje sine idear til verdiar gjennom å ta i bruk immaterielle rettar.

I tillegg bidreg Patentstyret til at dette skjer ved å vere ein aktiv medspelar for forsking, innovasjonsmiljø og næringslivet og sørgje for at dei får tilstrekkeleg informasjon og rettleiing om IP.

Patentstyret har fire grunnleggjande verdiar som skal kjenneteikne det daglege arbeidet vårt og dei vala vi tek. Verdiane hjelper oss med å gjere visjonen levande, oppfylle samfunnsoppdraget vårt og nå måla våre. Vi skal arbeide aktivt med verdiane, og jamleg spørje oss sjølv og kundane våre om vi opptrer i samsvar med desse. Vi skal vere:

• truverdige
• kunderetta
• engasjerte
• løysingsorienterte

Patentstyret behandlar søknader og gir rettar til patent, varemerke og design i Noreg, til både norsk og utanlandsk næringsliv. Vi arrangerer kurs og held foredrag om immaterielle rettar og korleis dei kan sikrast og utnyttast til å skape verdi. I tillegg tilbyr vi ulike typar forundersøkingar. Her skaffar vi oversikt over teknologiområde og gir førehandsvurderingar av nye oppfinningar, varemerke og design.

Patentstyret er partnar i Nordisk Patentinstitutt og dermed internasjonal granskingsmyndigheit for patentsøknader gjennom det internasjonale søkjesystemet PCT . Nordisk Patentinstitutt utfører også ulike patentsøk og analysar for utanlandsk næringsliv.

Patentstyret vart oppretta i 1911. Følg historia gjennom 100 år.

I samband med 100-årsjubileet vårt i 2011 laga vi ein kavalkade om norske idear og nordmenn si oppfinnsamheit. Filmen er laga i samarbeid med NRK Aktivum.