Ein engasjert medspelar for auka innovasjon og verdiskaping.
Større bedrifts- og samfunnsøkonomisk lønnsemd frå immaterielle verdiar
Immaterielle verdiar kan utgjere inntil 90 % av verdiane i ein organisasjon. Korleis desse verdiane blir sikra og utvikla slik at dei veks i verdi, handlar om å forvalte dei på ein klok og god måte.
Når dei immaterielle verdiane i ein organisasjon eller bedrift blir forvalta godt, aukar sannsynet for å lukkast med verdiskaping.
Samfunnsoppdraget vårt handlar derfor om å vere ein medspelar som legg tilrette for god forvalting av dei immaterielle verdiane, slik at lønnsemd og verdiskaping aukar hos bedrifter og generelt i det norske samfunnet.
Gjer idéar til verdiar
Banebrytande oppfinningar endrar kvardagen vår: Innovative behandlingar reddar liv. Ny teknologi bidreg til ei berekraftig framtid. God design løyser store og små problem. Sikringsutstyret vernar deg i fjellveggen, og merkevaren du vel i butikken garanterer for kvaliteten du er van med.
Alt dette er eksempel på idéar som er blitt til verdiar både for næringslivet, samfunnet, og som vi alle nyt godt av. Dette er verdiar vi må ta vare på og forvalte.
Vi hjelper til å gjere idéar til verdiar i bedrifter og samfunn.
Vi har tre målbilete som alle handlar om å skape verdiar. Desse tre måla gir oss retning og hjelper oss med å prioritere. Kvart år evaluerer vi korleis vi blir oppfatta av kundar, samfunn, eigarar og medarbeidarar. Denne innsikta brukar vi til å stadig utvikle og forbetre oss.
Dette inneber at
Dette inneber at
Dette inneber at
Kjerneverdiane våre driv oss framover. Verdiane viser korleis vi skal vere. Dei pregar dei daglege arbeidet og vala vi tek. Våre verdiar er
Desse verdiane hjelper oss med å gjere visjonen levande, å fylle samfunnsoppdraget og å nå måla våre. Vi skal jamleg spørje oss sjølv, kundar og samarbeidspartnarar om vi etterlever verdiane våre.
Det er særleg tre utviklingstrekk som formar korleis Patentstyret skal oppfylle samfunnsoppdraget.
Vi må utvikle oss i tråd med samfunnet. Vi må fange opp behov, forstå og respondere stadig raskare. Det vi gjer i dag, er ikkje nødvendigvis godt nok i morgon. For å møte auka forventingar frå eigarar, kundar, medarbeidarar, interessentar og samfunnet, må vi utvikle oss som organisasjon og som menneske.
Vi lever i ei digitaliseringsbølgje som har enorm påverknad på oss. Når omverda tek i bruk ny teknologi og utviklar nye tenester i høgt tempo, skaper det også forventingar til oss. Vi skal tilby relevante og sikre tenester som effektivt løyser problemet til kundane. For å skape meir verdi til kundar, samfunn og medarbeidarar, vil vi investere betydeleg meir i digital teneste- og kompetanseutvikling.
Noreg er i grøn omstilling, og vi må utvikle gjeldande næringsliv og skape nye vekstnæringar, som vi kan leve av framover. Regjeringa har sett som mål å auke eksporten utanom olje og gass med 50 % innan 2030. Vi skal også redusere klimagassutsleppet med minst 55 % innan 2030. Desse måla er viktige for oss i Patentstyret. Vi skal bli opplevde som ein kompetent medspelar i det grøne skiftet.
Vi skal vere gode på å forstå behovet til næringslivet og levere tenester som hjelper norsk næringsliv med å lukkast i eksportmarknaden og med innovasjonar som gir til ei meir berekraftig utvikling.
Patentstyrets rolle [varighet 2:31]
Prisen er ny av året og er etablert av patentverkene i Sverige, Danmark, Finland, Island og Norge. Under finalen i København 10. april gikk Trondheimsbedriften Cartesian av med seieren foran de andre nordiske kandidatene.
Publisert 10. april 2025
Trondheimsbaserte Cartesian overbeviste den norske juryen med sin Thermal Box, som bidrar til lavere energiforbruk, lavere energikostnader og mer bærekraftig energiforsyning.
Publisert 03. april 2025
Vi har gjort endringer på saksflyten i klagesaker for patent, varemerke og designregistrering. Dette gjelder fra 18. april 2025.
Publisert 18. mars 2025